Bakit Mo Binabasa Si Rizal?

Ipinakilala sa atin si Jose Rizal bilang pambansang bayani ng Pilipinas kahit hindi pa ito opisyal na idinedeklara. Gayunpaman, liban sa pagiging bayani, si Rizal ay isa ring manunulat at makata. Mahalagang basahin ng bawat Pilipino ang kaniyang mga akda, hindi lamang upang siya ay makilala, kundi upang malaman din ang ating kasaysayan.

Pagdaan sa Butas ng Karayom

Si Rizal at ang kaniyang mga akda ay binabasa ng henerasyon ngayon dahil sa Batas Republika 1425 o ang Batas Rizal. Ang Batas Rizal ay isinulong noong 1956 ni dating Senador Claro M. Recto na mithiing palaganapin ang nasyonalismo sa pamamagitan ng pag-aaral ng talambuhay at pagbabasa ng mga akda ni Rizal, partikular na ang Noli Me Tangere at El Filibustersimo.

Gayunpaman, bago ito naisabatas, tila dumaan sa butas ng karayom si Recto habang isinusulong ito. Mahigpit kasi itong tinututulan ng Simbahang Katoliko tulad ng pagtutol at pag-aatas noong Agosto 30, 1887 ng Arsobispo ng Maynila na ipagbawal sa Pilipinas ang pag-aari at pagbabasa ng Noli Me Tangere. Ipinaglalaban nila na ang nobela ay pagtuligsa sa paniniwala sa relihiyon at pagpapahiya sa mga kagalang-galang na tao noong panahon ng mga Espanyol.

Sa panahon naman ni Recto, marami ring Katolikong paaralan sa bansa ang nagbantang isasara kapag naipasa ang batas. Maging ang ilang politiko at ilang organisasyon ay tumutol din. Ipinaglalaban din ng oposisyon na bahagi na ng nakalipas na panahon ang mga nobela ni Rizal at hindi na dapat pag-aralan pa.

Pagsulong ng Batas

Naging kontrobersiyal man, hindi nahadlangan ang pagsulong ng Batas Rizal. Noong Hunyo 12, 1956, kasabay ng pagdiriwang ng Araw ng Kalayaan, ipinagtibay ang Batas Rizal.

Ang Batas Rizal ay nag-aatas sa lahat ng paaralan sa bansa na isama sa kanilang kurikulum ang pag-aaral tungkol kay Rizal. Obligado rin ang lahat ng paaralan, kolehiyo, at unibersidad na ang kanilang mga silid-aklatan ay dapat maglaman ng mga sipi ng mga akda ni Rizal. Inatasan din ang isang sangay ng Department of Education (DepEd) na magkaroon ng pagsasalin nito sa wikang English, Tagalog, at iba pang diyalekto sa bansa at makapaglimbag ng kopya ng mga akda sa murang halaga upang higit na maipalaganap ito sa iba’t ibang bahagi ng bansa. Layunin din ng batas na mapanatili at mapalawak ang mga koleksiyong Rizaliana sa mga pribado at pampublikong silid-aklatan sa bansa.

Basahin mong may pang-unawa si Rizal, ha?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s